AZƏRBAYCAN                RESPUBLİKASI
ELMİ TƏDQİQATLARIN ƏLAQƏLƏNDİRİLMƏSİ ŞURASI
AMEA-da Elm və texnologiya problemləri üzrə Elmi Şuranın yaradılması haqqında Azərbaycan Milli Elmlər Akademiyası prezidentinin sərəncamı
May 20, 2021 | 16:00 / Mühüm hadisələr
Oxunub 797 dəfə

AMEA Rəyasət Heyətində keçirilmiş 7 may 2021-ci il tarixli iclasda aktual elmi və texnoloji problemlərə, mühüm elmi və elmi-təşkilati məsələlərə dair çevik və peşəkar müzakirələrin təmin edilməsi, müvafiq təkliflərin hazırlanması məqsədilə AMEA-da Elm və texnologiya problemləri üzrə Elmi Şuranın yaradılması barədə təşəbbüs irəli sürülmüş, Elmi Şuranın tərkibi barədə müvafiq təkliflərin hazırlanıb AMEA-nın prezidentinə təqdim edilməsi tapşırığı verilmişdir. AMEA-nın birinci vitse-prezidenti, akademik Dilqəm Tağıyev Elmi Şuranın tərkibi barədə təkliflər hazırlayaraq 17 may 2021-ci il tarixli xidməti təqdimatla AMEA-nın prezidentinə təqdim etmişdir. Təqdim olunan təklifləri nəzərə alaraq:

1. AMEA-nın elmi müəssisə və təşkilatlarının hesabatları, elmi məruzələri, xaricdə uzunmüddətli ezamiyyətlərin nəticələri, yeni elmi problemlər və digər mühüm elmi və elmi-təşkilati məsələlərlə bağlı peşəkar müzakirələrin keçirilməsini, müvafiq təkliflərin hazırlanmasını təmin etmək məqsədilə aşağıdakı tərkibdə AMEA-da Elm və texnologiya problemləri üzrə Elmi Şura yaradılsın:

Akademik Ramiz Mehdiyev – AMEA-nın prezidenti, sədr

Akademik Adil Qəribov – AMEA-nın akademik-katibi, katib

Akademik Dilqəm Tağıyev – AMEA-nın birinci vitse-prezidenti

Akademik İbrahim Quliyev – AMEA-nın vitse-prezidenti

Akademik İsa Həbibbəyli – AMEA-nın vitse-prezidenti

Akademik Rasim Əliquliyev – AMEA-nın vitse-prezidenti

Akademik İradə Hüseynova – AMEA-nın vitse-prezidenti

Akademik Arif Həşimov – AMEA-nın Fizika İnstitutunun baş direktoru

Akademik Vaqif Fərzəliyev – AMEA-nın Akademik Əli Quliyev adına Aşqarlar Kimyası İnstitutunun direktoru

Akademik Fəxrəddin Qədirov – AMEA-nın Neft və Qaz İnstitutunun direktoru

AMEA-nın müxbir üzvü Zeynal Əkpərov – AMEA-nın Genetik Ehtiyatlar İnstitutunun direktoru

2. AMEA-nın Elm və texnologiya problemləri üzrə Elmi Şurasının katibi akademik Adil Qəribova tapşırılsın ki, Elmi Şuranın fəaliyyətinin təşkilindən irəli gələn məsələlərin həlli təmin edilsin.

3. Sərəncamın icrasına nəzarət AMEA-nın birinci vitse-prezidenti, akademik Dilqəm Tağıyevə həvalə edilsin.

AMEA-nın prezidenti, akademik Ramiz Mehdiyev

Bakı şəhəri, 19 may 2021-ci il

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

Copyright © AMEA İnformasiya Texnologiyaları İnstitutu, 2015